Hans Pienaar

Hans Pienaar is ’n 2018-skryfgenoot by die Johannesburg Institute for Advanced Study en skryf dramas, romans, kortverhale, gedigte en niefiksie in Afrikaans en Engels.

Hy werk as joernalis vir Business Day in Johannesburg en skryf ook vir Afrikaanse media. Sy jongste fiksiewerke is Te veel sorge en My china, en sy toneelstukke The good candidate en Die wortel van alle kwaad het onlangs gedebuteer, terwyl hy ook Uithoeke (fotogedigte) geproduseer het.

Hy is bekroon met ’n Rapport-prys vir Die derde oorlog teen Mapoch en die Pansa-prys vir die beste nuwe Suid-Afrikaanse toneelteks in 2005 vir Three dozen roses. Hy is die stigter van die nisuitgewery altoviolet en was voorsitter van die Melville Poetry Festival. Hy is getroud met die digter Corné Coetzee en het twee dogters.

Ras, rassis, rassister

Hans Pienaar Nuusvinke 2018-04-16

"’n Onaangepaste toepassing van Critical Race Theory is gevaarlik. Die vrye teuels wat dit gee aan mense wat as swart identifiseer om rassistiese uitsprake teen wittes te maak, word oorvloediglik gedemonstreer op sosiale media, in die pers en selfs op konferensies, waar dit tot onlangs nog die mode was om op te staan en uit te roep: 'I hate white people', gepaardgaande met luide applous."

Die koloniale wond in die grond

Hans Pienaar Nuusvinke 2018-03-19

"Vanjaar se besettings is aangevuur deur ’n historiese geleentheid in Suid-Afrika se partypolitieke geskiedenis: die regerende ANC en die heethoofdige tweede grootste opposisieparty, die Economic Freedom Fighters, het hul stemme saamgegooi in die parlement om ’n mosie aanvaar te kry dat die staat grond kan onteien sonder om vergoeding uit te betaal."

Zuma: King Comrade

Hans Pienaar Nuusvinke 2018-02-15

"Op die ou end kon Zuma dit nie regkry om af te tree as koning nie, anders as sir Bob. Hy kry net ’n gewone pensioen en dié sal hy moet gebruik vir al die hofsake wat gaan volg."

Berugte familie eis nog 'n slagoffer

Hans Pienaar Nuusvinke 2018-01-23

"Die familienaam Gupta is algemeen in Indië, maar in Suid-Afrika het dit om ’n ander rede ’n huishoudelike naam geword."

Wat gaan op universiteitskampusse gebeur?

Hans Pienaar Meningen 2018-01-22

"Ten einde die studentewoelinge na waarde te skat is die regte vraag nie wat gaan in die nuwe jaar aan op kampusse nie, maar waarom was 2017 so ’n feitlik doodstil jaar vergeleke met 2015 en 2016? Waar dinge wel oorvleuel, is in die antwoord: dat dit sal afhang van die EFF – en hierdie willewragtigs van die Suid-Afrikaanse politiek is nie bekend vir hul rasionaliteit, voorspelbaarheid of ekonomiese insig nie."

Top