Fanie Pretorius beskik oor ’n meestersgraad in publieke administrasie en was vir 22 jaar op bestuursvlak verbonde aan die Kantoor van die Staatspresident (later die Presidensie) onder presidente Botha, De Klerk, Mandela en Mbeki.

Tydens die Mbeki-era het hy met vervroegde pensioen afgetree. Daarna het hy verskeie kursusse in mensvaardighede aangebied en kursusse in “coaching” geloop.

In sy vrye tyd was Fanie vir meer as 20 jaar in ’n leidinggewende hoedanigheid betrokke by skoolverlaterskampe. Hy was ook een van die stigterslede van die komiese sanggroep Die Grafsteensangers. Sedert ’n breinoperasie in 2010 is sy aktiwiteite grootliks tot sy rekenaar beperk.

• Foto: verskaf