Janneke de Jong-Slagman (Nederland) verwerf haar MA aan die Katholieke Universiteit Nijmegen en haar PhD aan die Vrije Universiteit in Amsterdam. Sy werk meer as 30 jaar in die onderwys: van 1999 tot tans aan Driestar Hogeschool in Gouda. Sy onderrig moderne letterkunde en jeugliteratuur aan studente in die voortgesette-onderwys-fase en pedagogiek aan basisonderwysstudente. Ook werk sy as navorser aan ’n aantal navorsingsprojekte vir die navorsingsentrum van Driestar Hogeschool. Haar navorsing fokus op historiese pedagoë en op jeugliteratuur. Voorts resenseer sy jeugboeke en was onlangs ’n medeskrywer van ’n handboek oor jeugliteratuur en didaktiek.