...
... die debat oor die regverdigheid daarvan sal waarskynlik nog lank voortduur.
...
Parlementslede en regters is onder diegene wat vanaf 1 April kan uitsien na ’n groter tjek elke maand. ’n Suid-Afrikaanse minister sal ongeveer R2 792 155 per jaar verdien, wat neerkom op sowat R232 680 per maand, ná die jongste salarisverhoging van 3,8% wat president Cyril Ramaphosa goedgekeur het.
Ramaphosa het die aanbevelings van die Onafhanklike Kommissie vir die Vergoeding van Openbare Ampsdraers aanvaar en ’n salarisverhoging vir verskeie kategorieë openbare ampsdraers goedgekeur. Die verhogings, wat vanaf 1 April 2026 in werking tree, wissel tussen 3,8% en 4,1% en geld onder meer vir regters, lede van die parlement en tradisionele leiers.
Die kommissie beveel aan dat Ramaphosa se huidige salaris van R3 348 761 tot sowat R3,5 miljoen verhoog word, onderhewig aan parlementêre goedkeuring.
President Cyril Ramaphosa has approved the salary increases for South Africa's top politicians, including ministers, deputy ministers and parliamentarians. https://t.co/vrnJJ5Vwvm
— BusinessTech (@BusinessTechSA) January 19, 2026
Volgens die President se woordvoerder, Vincent Magwenya, is die besluit geneem ná deeglike oorweging van die kommissie se verslag sowel as die fiskale implikasies daarvan. “Die President het die aanbevelings aanvaar met die oog op die grondwetlike verpligting van die kommissie om jaarliks salarisse en toelaes te hersien, en om ’n balans te vind tussen die rol en verantwoordelikhede van ampsdraers en die bekostigbaarheid vir die staat,” het Magwenya in ’n verklaring gesê.
Die besluit kom te midde van groot fiskale druk. Suid-Afrika sukkel steeds met ’n hoë skuldlas, beperkte ekonomiese groei en stygende lewenskoste. Kritici sê dat salarisverhogings vir politici en regters ’n verkeerde boodskap stuur, veral terwyl gewone staatsamptenare en burgers swaarkry.
The salaries of public office bearers will be increased by 4.1% and 3.8% in different categories. https://t.co/9IvwbdfPsE pic.twitter.com/Vck7BDrPgF
— SABC News (@SABCNews) January 20, 2026
Ramaphosa se besluit om die kommissie se aanbevelings te aanvaar plaas die regering in ’n delikate posisie: aan die een kant die noodsaak om die grondwetlike proses te respekteer en openbare ampsdraers billik te vergoed; aan die ander kant die politieke risiko van openbare ontevredenheid te midde van ekonomiese swaarkry.
Burgerorganisasies waarsku dat verhogings die kloof tussen die politieke elite en gewone burgers kan verdiep. Wanneer ministers en LP’s verhogings kry terwyl werkloosheid- en armoedevlakke hoog bly, wek dit maklik wantroue in die regering se prioriteite, is die algemene gevoel onder Jan Alleman.
Public office bearers are getting increases while nurses, teachers and police are told to be patient and patriotic, they ard told "no money to recruit new doctors"
. Funny how patriotism only applies to the poor. When it’s MPs and Ministers, suddenly the fiscus is flexible,… https://t.co/UEhhlq9vEQ pic.twitter.com/sxKzD7KEII— In A Nutshell🥜 (@Markosonke1) January 20, 2026
Voorstanders van die verhogings argumenteer egter dat openbare ampsdraers billik vergoed moet word om korrupsie te voorkom en die integriteit van regters en parlement te beskerm. As jy regters en LP’s onderbetaal, skep jy ’n risiko dat hulle vatbaar raak vir onwettige invloede, meen diegene ten gunste van die verhoging.
Die Onafhanklike Kommissie vir die Vergoeding van Openbare Ampsdraers is grondwetlik verplig om jaarliks aanbevelings te doen oor salarisse, toelaes en voordele. Die kommissie oorweeg faktore soos die rol en verantwoordelikhede van ampsdraers, inflasie, ekonomiese toestande, bekostigbaarheid van die vergoeding, vergelyking met ander openbare diensvlakke, en staatsbronne. Die proses is bedoel om ’n balans te handhaaf tussen billike vergoeding en die staat se finansiële volhoubaarheid.
Die debat oor vergoedings is nie uniek aan Suid-Afrika nie. In baie lande word salarisse van politici en regters gereeld hersien en bevraagteken. Die uitdaging lê daarin om ’n balans te vind tussen die behoefte aan bekwame en gemotiveerde leiers en die realiteit van fiskale beperkings en openbare persepsies.
Die feit dat die President se eie salarisverhoging nog parlementêre goedkeuring benodig, beklemtoon die sensitiwiteit van die kwessie. Indien goedgekeur, sal Ramaphosa se salaris tot sowat R3,5 miljoen per jaar styg – ’n bedrag wat waarskynlik verdere debat sal ontlok.
NEW SALARIES FOR YOUR Leaders, APPROVED🧵
National Executive Salaries (+3.8%)
Deputy President
· Old Salary: R3,164,654
· New Salary: R3,284,911
· Increase: +R120,257Ministers
· Old Salary: R2,689,937
· New Salary: R2,792,155
· Increase: +R102,758Deputy Minister
· Old… pic.twitter.com/dmCJZlc1vr
— In A Nutshell🥜 (@Markosonke1) January 19, 2026
Wie kry wat?
Die verhoging van 4,1% geld vir:
- regters en landdroste
- tradisionele leiers
- lede van onafhanklike grondwetlike instellings.
Die verhoging van 3,8% geld vir:
- lede van die nasionale uitvoerende gesag (kabinet)
- lede van die parlement
- lede van provinsiale uitvoerende rade
- lede van provinsiale wetgewers.
Voorbeelde van nuwe salarisse sluit in:
- adjunkpresident: van R3 164 654 tot R3 284 911 (+R120 257)
- ministers: van R2 689 937 tot R2 792 155 (+R102 758)
- adjunkministers: van R2 215 220 tot R2 299 398 (+R84 178)
- president: huidige salaris R3 348 761; voorgestelde verhoging tot sowat R3,5 miljoen, onderhewig aan parlementêre goedkeuring.
Die salarisverhogings tree op 1 April 2026 in werking, en die debat oor die regverdigheid daarvan sal waarskynlik nog lank voortduur.
