Janet Vermaak
Janet Vermaak het in 2014 ’n graad verwerf in drama- en teaterstudies aan die Universiteit Stellenbosch. Daarna het sy ’n MA met buitelandse komponent in Afrikaans en Nederlands voltooi, met ’n minitesis getiteld “Metamodernisme en kuns: diepte, affek en betrokkenheid in Vlakwater (2015) deur Ingrid Winterbach en De consequenties (2014) deur Niña Weijers”. In 2017 het sy na Strasbourg (Frankryk) verhuis waar sy ’n MA in literêre vertaling voltooi het. Sy keer in September 2019 terug, ná ’n internskap van drie maande by Otago-uitgewers in Parys. Sy gee tans Frans-klasse en werk aan vertaalprojekte.
Meestersgraadstudies in Frankryk: ’n onderhoud met Janet Vermaak
2019-10-18'Clichébeelde', soos sy dit noem, van 'baguettes, barette, snorre en die Eiffel-toring' het aanvanklik haar belangstellening in Frans geprikkel en haar gemotiveer om haar studies in Frankryk voort te sit. Sy het gou besef dat dié taal selfs mooier is as die Eiffel-toring en baie verder as net Frankryk strek. Janet Vermaak het onlangs haar MA in literêre vertaling in Strasbourg, Frankryk voltooi, waar sy vir ongeveer twee jaar gebly het. Tydens haar MA in Afrikaans en Nederlands toer sy ook na Leiden in Nederland as deel van ’n uitruil. Janet vertel vir Marli van Eeden meer oor haar ervaringe.
