Nerina Bosman is verbonde aan die Departement Afrikaans, Universiteit van Pretoria. Sy doseer Afrikaanse taalkunde voor- en nagraads en ook toegepaste taalstudies nagraads. Binne die breë en opwindende veld van die (Afrikaanse) taalkunde fokus sy op twee navorsingsgebiede. In die kognitiewe leksikale semantiek spits sy haar toe op metafoorondersoek deur onder andere gebruik te maak van korpuslinguistiek. Op die oomblik interesseer veral eet- en drinkmetafore haar. Sy is hierbenewens ook besig met ’n groot sosiolinguistiese navorsingsprojek oor Afrikaanse aanspreekvorme. Soos uit die artikel oor Vanden vos Reynaerde afgelei kan word, lê ook die historiese taalkunde en die Middeleeue haar na aan die hart.