Piet Grobler

Piet Grobler is ’n Noord-Transvaler van geboorte. Hy het verskeie grade en diplomas verwerf, naamlik ’n BA en BD (Teologie) (UP), Hons (Joernalistiek) (US), Diploma in grafiese ontwerp (Cape Town Technical College) en ’n MA Visuele Kuns (Illustrasie) (US), asook ’n PGCE (University of Worcester).

Hy het vir vyf jaar as predikant gewerk, vir vyf jaar as grafiese ontwerper by Sanlam, en vir baie jare as vryskutillustreerder. Hy was twee jaar lank deeltydse dosent (KSUT en US) en vir nege jaar ’n voltydse dosent in illustrasie (University of Worcester, waar hy steeds besoekende professor in illustrasie is).

Piet het vir ’n jaar of drie ’n studiogalerytjie in Stellenbosch gehad, genaamd Hoi Hannelore! en ander verhale. Hy het al 90 boeke geïllustreer – meestal prenteboeke – en ook tydskrifillustrasies vir SarieDe KatInsigTaalgenoot en Sunday Times gedoen.

Hy het reeds ’n groot aantal internasionale toekennings vir prenteboekillustrasies ontvang, waaronder die Golden Apple, ’n plaket by die Biënnale vir Illustrasie in Bratislava (Slowakye), twee silwermedaljes in die Noma Concours-kompetisie (Japan), Octogone de Chêne (Frankryk), die Peter Pan-prys (Swede), die Lemniscaat-illustrasieprys (Nederland) en die literêre toekenning Chen Bochui (China).

In Suid-Afrika was daar die Katrine Harries-prys (drie maal), MER-prys, ATKV-prys, Vivian Wilkes-prys en die Tienie Holloway-medalje van die Suid-Afrikaanse Akademie vir Wetenskap en Kuns.

Afrika, haar diere en haar landskappe is ’n kenmerkende deel van Piet se werk.

Piet woon in Colares, Portugal, ’n klipgooi van die mees westelike hoek van Europa: Cabo da Rocha.

Philip de Vos en Piet Grobler gesels oor Tokkelossiebossie en ander dol gedoentes

Izak de Vries, Philip de Vos, Piet Grobler Literatuur 2022-02-24

Tokkelossiebossie en ander dol gedoentes is ’n bundel versies deur Philip de Vos met tekeninge deur Piet Grobler. Izak de Vries het met albei oor die boek gesels.

Schoenbek: ’n Onderhoud met Joukje Akveld en Piet Grobler

Joukje Akveld, Piet Grobler, Izak de Vries Literatuur 2022-02-09

Schoenbek is ’n nuwe kinderboek deur Joukje Akveld en Piet Grobler. In hierdie video gesels Izak de Vries met Joukje en Piet.

Verified by MonsterInsights
Top