Ek is ’n Suid-Afrikaanse student aan die Universiteit Stellenbosch, en is tans besig met ’n uitruilsemester aan die Katholieke Universiteit (KU) Leuven. Ek is avontuurlustig en baie lief vir die natuur; ’n regte boeremeisie. Ek het in Pretoria grootgeword en in Engels skoolgegaan, wat my ’n groot voordeel in die internasionale bedryf gee. Ek is verantwoordelik en pligsgetrou en neem my akademie en alle buitemuurse aktiwiteite ernstig op. Ek is lief vir musiek, kultuur en sport, en sien myself as ’n “all-rounder”. Ek is ook baie familievas en my vriende is vir my kosbaar en belangrik.