Duisende misdadigers wat deur die Suid-Afrikaanse polisie gesoek word, is die afgelope tyd aangekeer, en misdadigers wat steeds op vrye voet is, word versoek om hulself aan die polisie oor te gee.
Die nasionale kommissaris, Fannie Masemola, het Donderdag tydens ’n media-inligtingsessie in Johannesburg nuwe inligting oor die landwye polisiebedrywighede verskaf. Hy het misdadigers gewaarsku dat die polisie sal voortgaan om geweld te gebruik wat eweredig is aan die bedreiging wanneer hulle hulself en die gemeenskappe wat hulle bedien, moet verdedig.
#sapsHQ [READ] General Fannie Masemola's update on countrywide policing operations.
Recent take downs and arrests of ruthless gangs and brutal syndicates that are hell-bent on terrorizing our communities demonstrate the commitment and dedication of our men and women in blue, who… pic.twitter.com/H6Q9wmAdIi— SA Police Service ???????? (@SAPoliceService) August 1, 2024
Masemola sê met die onlangse suksesse om lede van georganiseerde kriminele sindikate en bendes in hegtenis te neem, het die Suid-Afrikaanse Polisiediens (SAPD) sy toewyding tot die bekamping van ernstige en gewelddadige misdade getoon.
Hy het ook die kommer aangespreek wat deur gewone burgers en kundiges op die gebied van polisiëring uitgespreek is oor die aantal verdagtes wat die afgelope maande deur die polisie in KwaZulu-Natal (KZN) gewond of doodgeskiet is.
Masemola sê enigiemand wat die veiligheid en sekuriteit van wetsgehoorsame burgers bedreig, moet ’n aggressiewe benadering van die polisie verwag.
“Dit is belangrik om duidelik te maak dat ons mandaat as die SAPD is om oortreders voor die gereg te bring deur hulle in hegtenis te neem. In die strewe om hierdie dikwels gevaarlike en swaar gewapende misdadigers in hegtenis te neem, word ons polisiebeamptes egter dikwels met hewige geweervuur begroet.” Hy sê dit laat polisiebeamptes met geen ander keuse as om hulself en die gemeenskappe wat hulle dien, te verdedig nie.
“Ons reageer beslissend op die oorlog wat deur misdadigers verklaar is en ons bly vasberade in ons pogings om misdaad te bekamp. Deur ons hoëdigtheidoperasies waar die provinsiale kommissaris van elke provinsie aktief deelneem en operasies op die grond lei, kon ons die arrestasie van 766 237 verdagtes vir verskeie misdade verseker.”
Dit sluit in 161 752 gesoekte verdagtes vir prioriteitsmisdade, insluitend moord, transito- gewapende rooftogte, seksuele misdrywe, verkragting, motorkaping en vuurwapenverwante misdrywe.
#sapsGP #SAPS in Gauteng Province onducted high-density #OperationShanela in Kempton Park, Ekurhuleni District earlier today. Led by Lieutenant General Tommy Mthombeni, the operation aimed to:
- Restore law and order
- Ensure public safety
- Combat criminal activityFOCUS… pic.twitter.com/NdZ7iJXMn4
— SA Police Service ???????? (@SAPoliceService) August 1, 2024
Die afgelope maand alleen is 13 kontant-in-transito-rowers in die Oos-Kaap gearresteer, terwyl ses verdagtes noodlottig gewond is tydens konfrontasie met die polisie,” het Masemola gesê.
Die polisie in KZN het Dinsdagaand verdagtes opgespoor wat verbind is met en gesoek word in minstens 13 sake van sakeroof en motorkaping in die Cato Manor- en Durban-sentraal-polisiëringsgebied, toe hulle met geweervuur begroet is.
“Vyf verdagtes is noodlottig gewond en gelukkig is geen polisiebeampte in die aanval gewond nie. Net verlede week het die KZN-polisie nege verdagtes in verskeie voorvalle doodgeskiet. In al hierdie voorvalle is die polisie met geweervuur begroet en beslag is gelê op verskeie soorte hoëkalibervuurwapens wat outomatiese gewere insluit,” het hy gesê.
Al hierdie verdagtes is gesoek in verband met ernstige en gewelddadige misdade, insluitend moorde en OTM-bomaanvalle.
By die voorval in Kwadlangezwa naby Empangeni was die drie verdagtes wat aan hul beserings beswyk het, gesoek in verband met minstens tien sake van moord in die provinsie.
“Dit is teen hierdie agtergrond dat ons misdadigers versoek om hulself oor te gee wanneer hulle deur die polisie gevra word om dit te doen ... Ons sal voortgaan om geweld te gebruik wat eweredig is aan die bedreiging,” het Masemola gesê.
Hy het beklemtoon dat die verbetering van polisiesigbaarheid as ’n vorm van ’n afskrikmiddel vir misdaad boaan die SAPD se agenda is.
“Ons ore bly op die grond en ons is deeglik bewus daarvan dat ons gemeenskappe meer polisiebeamptes op die grond wil sien. Dit is hoekom ons in twee jaar 20 000 polisiebeamptes gewerf en opgelei het wat reeds gemeenskappe op grondvlak van polisiëring bedien en beskerm.
#sapsHQ [MORE BOOTS ON THE GROUND] The #SAPS has recruited and trained 20 000 police officers in two years. All these members have capacitated our police stations and various specialized units.
-There are currently 4500 recruits in training, the remaining 5500 recruits will… pic.twitter.com/07P9TQ8Wzf— SA Police Service ???????? (@SAPoliceService) August 1, 2024
Masemola het aangekondig dat daar tans 4 500 rekrute in opleiding is en dat nog 5 500 rekrute in Januarie 2025 met opleiding sal begin.
