President Cyril Ramaphosa sal volgende Donderdag, 12 Februarie, sy jaarlikse staatsrede (Sona) lewer tydens ’n gesamentlike sitting van die parlement in die Kaapstadse Stadsaal.
Republic of South Africa State of the Nation Address || 12 February 2026 @ 19h00.#SANDF#SONA2026 pic.twitter.com/W3yPgxFIGS
— SA National Defence Force 🇿🇦 (@SANDF_ZA) February 3, 2026
Vanjaar se toespraak dra ekstra politieke gewig, omdat dit plaasvind in die aanloop tot die munisipale verkiesings later vanjaar. Plaaslike regering is vir baie kiesers die mees tasbare gesig van die staat, aangesien munisipaliteite verantwoordelik is vir basiese dienste soos water, elektrisiteit, sanitasie en plaaslike infrastruktuur.
⏰ Countdown… 0️⃣7️⃣ days to go before #SONA2026! 🇿🇦 pic.twitter.com/hGrYQsPnWH
— Parliament of RSA (@ParliamentofRSA) February 5, 2026
Wat vanjaar se Sona van besondere belang maak, is dat dit die laaste groot nasionale toespraak voor die munisipale verkiesings is. Die plaaslikeregeringstermyn eindig op 1 November 2026, en verkiesings moet tussen 2 November 2026 en 31 Januarie / 1 Februarie 2027 plaasvind. Die presiese datum word nog deur die minister van samewerkende regering en tradisionele sake aangekondig, na konsultasie met die Onafhanklike Verkiesingskommissie (OVK).
Dit sal die eerste groot toets vir die RNE wees, aangesien kiesers op plaaslike vlak sal oordeel oor dienslewering, korrupsie en bestuur in munisipaliteite, alles gebiede waar koalisies se impak direk gevoel word.
Die toespraak, wat om 19:00 begin, sal die volgende tema hê: “’n Nasie wat vir almal werk”. Dit kom op ’n tydstip van toenemende politieke spanning, ekonomiese onsekerheid en groeiende openbare ongeduld.
🇿🇦 President @CyrilRamaphosa will deliver the 2026 State of the Nation Address (SONA) to a Joint Sitting of the National Assembly and the National Council of Provinces at Cape Town City Hall on 12 February 2026 at 19:00.#SONA2026 #AWorkingNation #GovZAUpdates pic.twitter.com/rzDj63vddU
— South African Government (@GovernmentZA) February 5, 2026
Dit is die derde agtereenvolgende jaar dat die Sona buite die Nasionale Vergaderingsaal, wat steeds herbou word ná die verwoestende brand in 2022, gehou word. Hoewel dit ’n verskillende ruimte is, bly die politieke en simboliese gewig van die geleentheid groot. Sona dien tradisioneel as die president se belangrikste platform om rekenskap te gee oor die afgelope jaar, maar ook om die regering se prioriteite en beleidsrigting vir die komende geldjaar uit te stippel.
Volgens die presidensie sal Ramaphosa fokus op kernkwessies soos ekonomiese groei, werkskepping, infrastruktuurontwikkeling en dienslewering. Dit sluit waarskynlik ’n oorsig in van vordering, of die gebrek daaraan, met die ekonomiese heropbou- en herstelplan, asook nuwe of aangepaste ingrypings om belegging aan te moedig en ekonomiese momentum te bou.
Did you know?
The State of the Nation Address (SoNA) is convened by the President in terms of the Constitution to update the nation on government commitments and outline the programme of action for the new financial year.#SONA2026 pic.twitter.com/Exg04CdroQ— Information Resource Centre (@GCIS_IRC) February 4, 2026
Met werkloosheid steeds hardnekkig hoog en ongelykheid diep gewortel, sal baie Suid-Afrikaners egter minder geïnteresseerd wees in beleidsraamwerke en meer in tasbare uitkomste. Gemeenskappe sukkel steeds met kragonderbrekings, watertekorte, vervalle paaie en munisipale wanbestuur. Die verwagting is dus dat Ramaphosa hopelik nie net beloftes sal herhaal nie, maar ook duideliker tydlyne en meetbare doelwitte sal stel.
With #SONA just a week away, residents of Johannesburg share their views on what they think President Ramaphosa should focus on. #DSTV403 pic.twitter.com/Yd8LCHKXTn
— eNCA (@eNCA) February 5, 2026
Daar word ook verwag dat hy aandag sal gee aan die staat se vermoë om korrupsie te bestry en die professionalisering van die staatsdiens. Dit is beide temas waaroor daar herhaaldelik in vorige Sonas gepraat is, maar waaroor die publiek toenemend skepties raak weens beperkte sigbare vordering.
Vir die ANC, wat in vorige plaaslike verkiesings beduidende steun in stedelike gebiede verloor het, bied Sona ’n geleentheid om vertroue te probeer herstel en ’n narratief van hervorming en herstel te vestig. Die President se toon en inhoud sal waarskynlik ook beïnvloed word deur die behoefte om ’n samehangende boodskap aan kiesers, beleggers en bondgenote te stuur.
Organised labour met President Ramaphosa ahead of the 2026 State of the Nation Address (#SONA2026) at the Joint Sitting of the National Assembly and the National Council of Provinces at Cape Town City Hall scheduled for 12 February 2026 at 19:00. @SAfmRadio @SakinaKamwendo pic.twitter.com/j07k8tMPQl
— @COSATU Today (@_cosatu) February 5, 2026
Opposisiepartye sal intussen fyn luister vir enige tekens van politieke beloftes wat as verkiesingspraatjies beskou kan word. Hulle sal waarskynlik Ramaphosa se toespraak gebruik as ’n vertrekpunt om die regering se rekord op plaaslike vlak te kritiseer, veral waar munisipale wanadministrasie en finansiële wanbestuur ter sprake is.
Soos in vorige jare is die publiek uitgenooi om insette te lewer via die regering se aanlyn platforms, ’n poging om die toespraak meer inklusief te maak. Reaksies op sosiale media wissel egter reeds tussen ondersteuning vir die regering se konsultasieprosesse en uitgesproke skeptisisme oor die herhaling van bekende beloftes.
Die parlementêre debat oor Sona is vir 17 en 18 Februarie geskeduleer, waar politieke partye die President se toespraak sal ontleed, bevraagteken en kritiseer. Hierdie debatte sal waarskynlik verdere lig werp op hoe die toespraak in die breër politieke landskap ontvang word.
Uiteindelik sal Ramaphosa se 2026-staatsrede nie net op grond van sy retoriek beoordeel word nie, maar op die geloofwaardigheid van sy beloftes, veral in ’n jaar waarin plaaslike dienslewering en politieke aanspreeklikheid sentraal tot kiesers se besluite sal staan.
