Ek is ’n nagraadse student met 'n BCom-graad en 'n honneursgraad in Afrikaans en Nederlands. Ek glo in Afrikaans as ’n wetenskaptaal en dat Afrikaans die vermoë het om grense te verskuif. Die verlede is onlosmaaklik deel van ons taalerfenis, maar wat met die kennis van die verlede gedoen word, bepaal wat in die toekoms gebeur. Tans wonder ek ook oor hoe versoening werk, en probeer voluit leef saam met die verwondering, verrassings en misterie van 'n postapartheid Suid-Afrika.

My groot liefdes in die lewe is woorde, stories, tale, die voortdurende verandering van die sakesektor en 'n weeklikse deelname aan 'n parkrun.