Heloise van Huyssteen
Heloïse van Huyssteen het grootgeword in Hartswater, ’n plattelandse dorpie in die Noord-Kaap. Sy het haar honneursgraad in joernalistiek aan die Noordwes-Universiteit se Potchefstroom-kampus verwerf en is van die min mense wat betaal is om by die werk te Facebook. Sy het onlangs sak en pak saam met haar man na die VSA verhuis waar sy tans as vryskutskrywer met vreemdelinge geselsies aanknoop op soek na haar volgende storie. Hoewel die karakters in haar stories meestal randfigure is, lei sy ’n betreklik normale lewe. Dit is nou as jy verby haar fobie vir vlieg, die stemme in haar kop en haar verslawing aan realiteitstelevisie kan kyk.
- Foto: verskaf
"Ek het positief getoets vir COVID-19": ’n Suid-Afrikaner in Washington, DC
2020-05-20"My siening van die reëls het nie veel verander ná ek positief getoets is nie – ek was steeds hande meer as wat ek treë gee en ek behou te alle tye ’n afstand van twee meter. Ek het wel nie in Maart ’n masker in die supermark gedra nie, maar nou sal jy my nie sommer die huis sien verlaat sonder een nie."
"Dit vat nie veel om voor DC se sjarme te swig nie"
2020-03-16"Washington, DC is een van die mooiste en geskiedkundigste plekke in Amerika – dit sal ’n sonde wees om hier verveeld te wees."
