Suid-Afrikaners kan die 2019-rugbywêreldbekerkampioene van Donderdag tot volgende week Maandag op verskillende plekke in die land te siene kry nadat hulle Engeland die afgelope naweek op ’n verrassende wyse kafgedraf het.
Die Bokke se eerste trofeetoer vind Donderdag in Pretoria, Johannesburg en Soweto plaas. Vrydag is hulle in Durban, Saterdag in Oos-Londen, Sondag in Port Elizabeth en Maandag sluit hulle die landwye toer in Kaapstad af.
Die toer sluit busparades deur die onderskeie stede se strate in en eindig by die Kaapstad-stadion waar die spelers met die Webb Ellis-trofee omhoog om die veld sal stap nadat hulle deur Kaapstad se strate beweeg het.
Die Springbokke het wêreldwyd lof ontvang vir hulle prestasie nadat hulle die Engelse geklop het, wat by verre die gunsteling was om die beker te wen.
Die enigste suur druiwe was van randgroepe soos ver-regses en die populistiese EFF. Die EFF se woordvoerder, Mbuyiseni Ndlozi, het op Twitter gal gebraak teenoor die wittes in die span.
Aggg please, today is England vs. England. I mean during 2010 World Cup the settlers had both flags in their homes & cars. It’s a win win for them because they are still England at heart!
You should be focused on removing apartheid statues
Nna am watching @KaizerChiefs #Andizi https://t.co/eqkrMwsqhS
— Mbuyiseni Ndlozi (@MbuyiseniNdlozi) November 2, 2019
Hy is egter gou op sy plek gesit deur twitter-gebruikers, selfs deur mense wat vir die EFF gestem het. Hy is onder andere uitgeskel as toksies en negatief.
Congratulations to #SiyaKolisi... the rest go get your congratulations from Prince Harry
— Mbuyiseni Ndlozi (@MbuyiseniNdlozi) November 2, 2019
Hy het egter Maandag sy tirade voortgesit en gesê hulle sal nie weer geflous word deur die slaappille van die rugby-euforie nie. Hy sê hulle sal beter doen as hulle ouers en stel nie belang in eenheid sonder gelykheid nie.
We are pushing against all efforts to pull a 1994/1996 on us AGAIN. We will not take the sleeping tablets of Rugby euphoria AGIAN. We will be better than our parents; we choose to feel the PAINFUL TRUTH of our wretched conditions
WE REFUSE UNITY WITHOUT EQUALITY AND THE LAND
— Mbuyiseni Ndlozi (@MbuyiseniNdlozi) November 4, 2019
Die sanger Steve Hofmeyr het, nes die EFF, besluit om die rassekaart te speel en die geleentheid te gebruik om president Cyril Ramaphosa by te kom omdat hy soos die Bokkaptein, Siya Kolisi, ’n beroep op Suid-Afrikaners gedoen het om saam te werk in eenheid.
“Kom ek vertaal: Laat die Siya-inspuiting jou verlam sodat jy nie sal terugbaklei as ons jou grond onder jou gat kom uitgryp omdat jy blank is nie,” het Hofmeyer getwiet.
Kom ek vertaal: Laat die Siya inspuiting jou verlam sodat jy nie sal terugbaklei as ons jou grond onder jou gat kom uitgryp omdat jy blank is nie.😇
‘Kom ons doen soos Siya sê en werk in eenheid saam’ – Cyrilhttps://t.co/josGLDCNYD?
shared via @Netwerk24— Steve Hofmeyr (@steve_hofmeyr) November 4, 2019
Ramaphosa het in sy weeklikse nuusbrief ’n beroep gedoen om groter samewerking onder alle Suid-Afrikaners.
The sight of Springbok captain Siyamthanda Kolisi lifting the cup at the Yokohama Stadium on Saturday filled me with great pride. I could see the undisguised emotion on the face of his father, Fezakele Raymond Kolisi, watching from the stands. https://t.co/OF9W8MFYkP pic.twitter.com/IfQuGuS4ZI
— Cyril Ramaphosa 🇿🇦 (@CyrilRamaphosa) November 4, 2019
“Laat die welwillendheid wat die sukses in Jokohama vir ons gebring het, ons inspireer om skouer aan die wiel te sit en die uitdagings waardeur ons in die gesig gestaar word op ekonomiese, politieke en sosiale gebied aanpak,” het die president gevra.
Die Bokke se droomoorwinning in Japan is afgesluit met nog ’n paar veertjies in die hoed op die wêreldverhoog toe Rassie Erasmus aangewys is as afrigter van die jaar, die Springbokke as span van die jaar en Pieter-Steph du Toit as die speler van die jaar.
✅ Coach of the Year: Rassie Erasmus
✅ Team of the Year: The Springboks
✅ Player of the Year: Pieter-Steph du Toit🔗 https://t.co/F4KCEyNL5L#StrongerTogether pic.twitter.com/0uh35EvzCw
— Springboks (@Springboks) November 3, 2019
..............
Lees ook
Buro: MvH
