Danie Marais

Danie Marais is in 1971 in Kimberley gebore, gaan in Pretoria skool en behaal in 1993 op Stellenbosch 'n B.Com-graad met regsvakke. Hy studeer in die onderwys aan die Carl von Ossietzky Universität in Oldenburg, Duitsland, met Duits, Wiskunde en Filosofie as hoofvakke. Hy is tans 'n vryskutjoernalis in Kaapstad. Marais is teksredakteur van Visi, artikelredakteur vir Boeke-Insig, en skryf 'n gereelde rock-rubriek vir Beeld. Op Bush Radio bied hy The Unhappy Hour, ‘n musiekprogram, aan saam met Clive Smith, Toast Coetzer en Erns Grundling. Hy het sy vrou, Karlien de Villiers, se eerste grafiese roman, Meine Mutter war eine schöne Frau, in Duits vertaal. Van sy gedigte is opgeneem in die volgende bloemlesings: Nuwe stemme 3 (saamgestel deur Antjie Krog en Alfred Schaffer), Honderd jaar later (saamgestel deur Johann Lodewyk Marais), My ousie is 'n blom (saamgestel deur Charl-Pierre Naudé), Versindaba 2006 en Versindaba 2008 (saamgestel deur Marlise Joubert) en Groot verseboek (saamgestel deur André P. Brink). In 2007 is hy uitgenooi na Poetry International in Rotterdam en is daar opgeneem in die fees se bloemlesing, Hotel Parnussus:Poezie van dichters uit de hele wereld. Marais het ook deelgeneem aan Poetry Africa 2007 in Durban. Hy is in 2005 vir die DaimlerChrysler-prys vir poësie genomineer. Vir sy debuutbundel, In die buitenste ruimte (2006), het hy die Ingrid Jonker-, Eugène Marais- en UJ-debuutprys ontvang.

Huldigingsrede | Alfred Schaffer (Tuin van Digters-feesdigter 2021)

Danie Marais Literatuur 2021-10-26

"Met hierdie huldigingsrede, Alfred, bedank ek jou innig vir die rol wat jy in ons groter, geamputeerde, wanfunksionele taalfamilie speel; vir die oop gemoed en deernis wat jy nog altyd teenoor soveel mense en ’n wye verskeidenheid van poësie openbaar het ..."

Top