In het nieuws

Skadelike kopieregwetsontwerp voor parlement

Jean Oosthuizen In het nieuws 2024-02-29

"Drie plaaslike skrywersverenigings, PEN Afrikaans, ANFASA en PEN Suid-Afrika, het ook gevra dat Suid-Afrikaners hulle stem dik maak teen die wetsontwerp. Hulle het in samewerking met die Uitgewersvereniging van Suid-Afrika (PASA) ’n petisie beskikbaar gestel as deel van ’n gesamentlike protesaksie teen die wetsontwerp, wat vandag vir aanvaarding voor die Nasionale Vergadering sal dien."

Omstrede Bela-wet beslis hof toe

Jean Oosthuizen In het nieuws 2024-02-28

"Indien die wet deurgevoer word, sal dit aan provinsiale hoofde van onderwysdepartemente die mag gee om ’n finale besluit oor ’n skool se taal- en toelatingsbeleid te neem. Die rol van skoolbeheerliggame sal dus aansienlik kleiner wees."

Cele uit alle oorde gekap omdat hy in polisiehelikopter na ANC-funksie vlieg 

Jean Oosthuizen In het nieuws 2024-02-27

"Die minister van polisie, Bheki Cele, bevind hom vir die soveelste keer in die middel van ’n politieke storm nadat hy die afgelope naweek met ’n polisiehelikopter by die ANC se manifesbekendstelling by die Moses Mabhida-stadion in Durban opgedaag het."

Misdadigers in metropolitaanse polisie wek kommer

Jean Oosthuizen In het nieuws 2024-02-23

"Volgens die burgemeesterskomiteelid vir gemeenskapsveiligheid, Letlhogonolo Moseki, is 3 449 vingerafdrukke van die metro se polisiebeamptes tydens die laaste oudit van 2022 geneem en vir verwerking aan die provinsiale polisiekommissaris se kantoor gestuur."

Verkiesingsdatum wyd en syd verwelkom

Jean Oosthuizen In het nieuws 2024-02-22

"Al die politieke partye het ’n beroep gedoen op kiesers wat nog nie geregistreer het nie, of wat voor die verkiesing gaan verhuis, om steeds die nodige reëlings te tref om te stem. Die proklamasie om die datum te verklaar sal enige dag uitgereik word, waarna kieserregistrasie sal sluit."

Buurtwag gebruik hommeltuig om tikgebruikers en dwelmsmouse vas te trek

Jean Oosthuizen In het nieuws 2024-02-21

"Tydens die SAPD se patrollie het die hommeltuig in die lug gebly om enige verdagtes te volg en die polisie op hulle spoor te hou."

Referendumparty deur Veelpartyhandves die rug toegekeer oor Wes-Kaapse onafhanklikheid

Jean Oosthuizen In het nieuws 2024-02-20

"Die Referendumparty, wat hulle beywer vir die Wes-Kaap se afstigting van die res van die land, is vies omdat al 11 politieke partye van die Veelpartyhandves hulle die rug toegekeer het toe hulle deel van die Veelpartyhandves wou word."

SA soldate sterf in DRK nadat Ramaphosa daaroor gewaarsku is

Jean Oosthuizen In het nieuws 2024-02-16

"Skaars ’n dag nadat president Ramaphosa gewaarsku is dat dit roekeloos is om byna 3 000 lede van die Suid-Afrikaanse Nasionale Weermag (SANW) in die oostelike Demokratiese Republiek van Kongo (DRK) te ontplooi, is twee van die soldate in ’n mortieraanval dood en drie beseer."

Gewese "kitskospremier" meen beurtkrag is nie die einde van die wêreld nie

Jean Oosthuizen In het nieuws 2024-02-15

"’n ANC-parlementslid wat tydens die bespreking van president Cyril Ramaphosa se staatsrede gesê het beurtkrag is nie die einde van die wêreld nie, het Suid-Afrikaners en opposisiepartye warm onder die kraag."

Zuma se party besig om ANC erg te knou

Jean Oosthuizen In het nieuws 2024-02-14

"Met minder as twee weke oor voordat president Cyril Ramaphosa die datum vir vanjaar se landwye nasionale en provinsiale verkiesings bekend maak, wil dit voorkom of die ANC se steun besig is om soos water deur ’n sif te loop – as die jongste meningspeilings in die kol is."

ANC kry bloedneus in Konstitusionele Hof en DA ruik bloed

Jean Oosthuizen In het nieuws 2024-02-13

"Die ANC het ’n yslike bloutjie in die Konstitusionele Hof geloop. Hulle moet binne vyf werksdae al hulle kaderontplooiingsdokumente aan die DA oorhandig."

Werklose dokters in Suid-Afrika is nou kritiek

Jean Oosthuizen In het nieuws 2024-02-09

"Die Nasionale Departement van Gesondheid en die minister van gesondheid, Joe Phaahla, probeer links en regs vure doodslaan nadat dit aan die lig gekom het dat honderde gegradueerde Suid-Afrikaanse dokters werkloos is en oorsee moet gaan om werk te soek. Die SA Mediese Vereniging-vakbond (Samatu) het onthul dat data uit ’n onlangse opname aangedui het dat meer as 800 gekwalifiseerde dokters werkloos bly ná die voltooiing van hul twee jaar van mediese internskap en een jaar van gemeenskapsdiens."

EFF blaas in DA se nek om die amptelike opposisie te word

Jean Oosthuizen In het nieuws 2024-02-08

"Die deurslaggewende faktor in hierdie verkiesing is volgens Ipsos kiesersopkoms op die dag van die verkiesing. Verskeie ontledings dui daarop dat die verwagting van ’n hoë kiesersopkoms dalk nie realisties is nie, wat grootliks toegeskryf word aan wydverspreide moedeloosheid oor die land se situasie en lae vlakke van vertroue in politici en politieke partye."

Vanjaar se staatsrede is ANC se nagmerrie

Jean Oosthuizen In het nieuws 2024-02-07

"President Cyril Ramaphosa lewer môre sy sewende staatsrede in die parlement teen die agtergrond van voortgesette verdeeldheid en dalende steun in sy party. Daar is ook voortgesette bewerings van korrupsie tot op die hoogste regeringsvlak."

Duisende nuwe kiesers wil vanjaar gaan stem

Jean Oosthuizen In het nieuws 2024-02-06

"Die voorsitter van die Verkiesingskommissie, Mosotho Moepya, het ’n beroep op stemgeregtigde Suid-Afrikaners gedoen om van nou af van die aanlyn platform gebruik te maak as hulle nog moet  registreer."

AfriForum kry "klap in die gesig" toe hulle slaggat in Tshwane herstel

Jean Oosthuizen In het nieuws 2024-02-02

"Die burgerregteorganisasie AfriForum sê hulle het ’n klap in die gesig gekry toe hulle die afgelope week wou help om ’n reuse slaggat in Centurion te herstel en deur Tshwane se metropolisie weggejaag is."

Suid-Afrika is "meer korrup onder Ramaphosa as onder Zuma"

Jean Oosthuizen In het nieuws 2024-02-01

"Die streek se aanhoudende uitdagings spruit volgens die verslag uit korrupsie en ongeoorloofde aanwending van openbare fondse, wat die voortdurende onderbefondsing in openbare sektore vererger. Die aanspreek van sosiale en ekonomiese kwessies bly ondoeltreffend en geskied dikwels ten koste van die mees kwesbares in die bevolking."

So wil opposisiepartye Suid-Afrika se ekonomie red

Jean Oosthuizen In het nieuws 2024-01-31

"Elf van Suid-Afrika se opposisiepartye het saam ’n stel riglyne opgestel om die land se ekonomie weer te laat groei en op groot skaal werk te skep."

Spanning tussen Zuma en ANC bereik breekpunt

Jean Oosthuizen In het nieuws 2024-01-30

"Zuma het hom die gramskap van die ANC op die hals gehaal met sy vroeëre aankondiging dat hy vanjaar sy gewig by die uMkhonto weSizwe- (MK-) party gaan ingooi om steun vir die verkiesing te werf."

Kaapstad aangewys as tweede beste stad in die wêreld om in 2024 te besoek

Jean Oosthuizen In het nieuws 2024-01-26

"New York is heel bo aan Time Out se lys, wat die afgelope week vrygestel is, met Kaapstad in die tweede plek en Berlyn, Londen en Madrid as die ander topvyf-stede om te besoek."

Verified by MonsterInsights
Top