"Suid-Afrikaners kan hulle gereedmaak om vroeg volgende jaar na die stembus te gaan vir die land se volgende algemene verkiesing. President Cyril Ramaphosa het tydens ’n byeenkoms van die Council on Foreign Relations in New York gesê volgende jaar se verkiesing sal voor die einde van Mei gehou word."

"Suid-Afrikaners se tonge is behoorlik los oor die voor- en nadele van dagga nadat die grondwetlike hof beslis het die kweek en gebruik daarvan in private plekke is wettig."

"’n Nuwe storm broei in die NG Kerk oor homoseksualiteit. Dit volg nadat die kerk se moderator, ds Nelis Janse van Rensburg, in die openbaar standpunt ingeneem het teen sy kerk se jongste sinodebesluit in 2016 dat homoseksuele verhoudings sonde is."

"Nehawu se skerp kritiek op die veiligheidsituasie in die parlement volg op die insident verlede Vrydag toe ’n parlementêre beampte homself in die parlementsgebou doodgeskiet het. Verskeie ander mense het ook ernstige vrae gehad oor die toegangsprosedures by die parlement, wat ’n nasionale sleutelpunt is."

"Die advertensie wys onder andere ’n motor wat sy wiele in ’n stoorkamer tol terwyl ’n groep omstanders toekyk. Volgens die klaer het die advertensie ’n gevaarlike situasie geskep. Dit is glo soortgelyk aan situasies waarin mense in die land dood is en het dit 'genormaliseer'."

"Die jongste misdaadsyfer wat Dinsdag in die parlement bekend gemaak is, skets ’n donker prentjie van Suid-Afrika se misdaadsituasie. Daar word gemiddeld 57 mense elke dag in Suid-Afrika vermoor en die syfer het die afgelope jaar met 1 320 moorde toegeneem vergeleke met die vorige jaar."

"Die ANC slaan links en regs vure dood nadat Sunday Times die naweek berig het senior lede van die ANC is besig met ’n geheime komplot om van president Cyril Ramaphosa ontslae te raak."

"Suid-Afrikaners sal hulle gordels nóg stywer moet trek om te kan oorleef. Sommige doemprofete vrees dit kan dalk die voorspel wees tot ’n ekonomiese depressie as daar nie spoedig groter ekonomiese vertroue ingeboesem word nie."

"Jooste het toegegee dat die Steinhoff-skandaal die grootste ineenstorting van ’n Suid-Afrikaanse maatskappy ooit is, maar sê dit het gebeur omdat die geouditeerde jaarstate nie uitgereik is nie. Hy sê die oudit van die state was nie sy verantwoordelikheid nie."

"Verskeie instansies het gevra vir ’n behoorlike ondersoek na die oorsaak van die ontploffing by die Rheinmetall Denel-wapenaanleg naby Somerset-Wes waarin minstens agt mense dood is."

"Die vakbond Solidariteit het met ’n grootskaalse staking by Sasol begin omdat wit werknemers op grond van hul ras uitgesluit word by Sasol se nuutste personeelaandeelskema."

"Indien die land se beleidmakers egter daarin kan slaag om beleggingsvertroue te herwin, groter welvaart en werksgeleenthede te skep en die ekonomie weer te laat groei, is daar geen rede waarom die afwaartse trajek sedert 2007 nie omgekeer kan word nie."

"Die geveg oor Afrikaans aan Suid-Afrikaanse universiteite het opnuut opgevlam nadat AfriForum se jeugorganisasie klagtes teen die EFF ingedien het omdat die EFF volgens hulle teenstrydig met sekere universiteite se taalbeleid optree."

"Janse van Rensburg sê dit gaan nie hier oor mense se persoonlike reg nie. 'Dit gaan hier oor die kerk se standpunt oor seksuele verhoudings. En die kerk is tans op die punt waar ons sê ons is nie op ’n plek waar ons selfdegeslag-verbintenisse wil kondoneer of in die kerk wil bevestig nie.'"

"Boezak voel baie sterk oor die waarde van Afrikaans as onderrigtaal tot op tersiêre vlak. Hy sê kennis is die beste wapen teen armoede en kennis kan die beste opgedoen word deur middel van moedertaalonderrig."