Milton Webber
Milton Webber (1976) is ’n vryskuttaalpraktisyn wat tans in Nederland woon. Hy het sy studies aan die destydse Kaapse Technikon begin waar hy die Nasionale Diploma: Taalpraktyk verwerf het. Later het hy aan Unisa sy studie voortgesit met Duits en Musiekgeskiedenis as hoofvakke. Hy het ook Nederlandse lesse by Alfred Schaffer geneem. Milton het in die reklamebedryf begin werk en later by verbruikers- en bedryfstydskrifte as redakteur, subredakteur en vertaler gewerk. Hy is tans redakteur van die taalspeletjie Beter Afrikaans en was tot onlangs nuusskrywer vir RSG. Hy maak steeds bydraes vir die boekeprogram, byvoorbeeld oor die Week van de Afrikaanse Roman en Het Festival over het Afrikaans in Nederland. Milton hou van reis en maak graag musiek. As hy nie agter die rekenaar besig is met ’n taalopdrag nie, sal jy hom dalk êrens agter die orrel in ’n kerk raakloop.
Menseslagtings, asielsoekers, betogers en ’n brand
2022-07-14"Nederland sê jammer oor slagting in Srebrenica; ’n Antwerpse universiteitsgebou staan in ligte laaie; asielsentrum is so vol, migrante slaap buite; die polisie skiet glo op 16-jarige boerebetoger; en nóg ’n skraagdosis wink in die Lae Lande."
Voortdurende protesaksie, moordverdagtes, en die dood van ’n reus
2022-07-07"Nederlandse boere is steeds woedend oor die besluit dat stikstofproduksie in sommige dele verminder moet word en versper weer hoofroetes; nóg verdagtes aangekeer vir die moord op Peter R de Vries; Noord-Holland en die Nederlandse Bank bied verskoning aan vir slawerny; ’n Belgiese welsynswerker is al vyf maande agter tralies in Iran; en die skrywer Remco Campert is op 92 oorlede."
Kunsroof, ’n stinkstorie oor stikstof en die koning ry trein
2022-06-30"Vier rowers het Maandag helder oordag ’n kunsbeurs in Maastricht beroof; Nederlandse boere is woedend oor die kabinet se stikstofbeleid; minstens een persoon is dood toe ’n tornado deur Zeeland getrek het; die pandemie hou steeds hospitale besig; en Nederlandse koningspaar besoek Oostenryk."
Stakings, steenkool en die waarde van ’n enkele tand
2022-06-24"Nederland se belangrikste internasionale lughawe, Schiphol, het verlede week aangekondig dat hy in Julie en Augustus daagliks duisende vlugte gaan skrap; intussen het ’n staking deur veiligheidspersoneel Maandag die Brusselse lughawe lamgelê; twee Pole is naby Zeebrugge deur ’n sterk seestroom meegesleur; weens Rusland se oorlog het die Nederlandse kabinet aangekondig dat drie steenkoolkragstasies vir eers weer op volle sterkte mag werk; en België gee Patrice Lumumba se tand terug aan sy familie."
’n Stikstofkrisis, die koloniale verlede en ’n bietjie goeie nuus
2022-06-15"Nederland moet sy stikstofproduksie verminder, wat beteken sommige boere sal hul bedrywighede moet staak; ’n Nederlandse entrepreneur bou ’n elektriese motor wat 1 000 km kan aflê voordat dit weer gelaai moet word; koning Filip van België het verlede week in die Kongolese parlement erken dat die koloniale oorheersing verkeerd was; daar is ’n skerp styging in die getal COVID-19-infeksies, maar geen noemenswaardige styging in hospitaalopnames nie; en die Concertgebouw-orkes spog met ’n bloedjong nuwe hoofdirigent."
Nog ’n kindermoord en nog oorstromings
2022-06-08"Die negejarige Gino uit Maastricht se liggaam is gevind; die hofsaak rakende die moord op misdaadjoernalis Peter R de Vries het Dinsdag begin; België steier onder die swaarste oorstromings in 20 jaar; Nederland moet dalk tog gas in Groningen win; ’n pakkie sigarette kan teen 2040 sowat €47 (R773,99) kos; die Nederlandse Spoorweë het met ’n blink plan vorendag gekom om die nypende personeeltekort die hoof te bied; en koningin Máxima verras met ’n valskermsprong."
Nuus uit die Lae Lande
2022-06-01"Rusland sny gastoevoer na Nederland af; polisie gryp in om woedende sokkertoeskouers te laat bedaar; groot ontwrigting weens landwye staking in België; kerk wil skeur oor vroue in die amp; ongeluk tydens pretparkrit; hommeltuie red babadiertjies van die grassnyer; en prinses Amalia se gekose universiteit bekendgemaak."
Personeeltekorte, aappokke, wol, koraalriwwe en stambome
2022-05-25"Reisigers moes Maandag opnuut ure lank by Schiphol-lughawe in toue staan weens ’n gebrek aan personeel, en treindienste in België is ingekort om dieselfde rede; aappokke ook in België en Nederland; Nederlandse boere sukkel al hoe meer om van hul wol ontslae te raak; nuwe hoop vir koraalriwwe; en Beethoven is ’n nefie ryker."
’n Vragskip verdwaal in ’n woonbuurt; die media; die pandemie; en die droogte
2022-05-18"’n Vragskip saai verwoesting toe dit in ’n woonbuurt invaar; ’n tonnel op die A4-snelweg is Maandagoggend gesluit omdat die twee toesighoudende operateurs siek was; Nederlanders is deesdae positiewer oor seksuele minderhede; die omstrede TV-persoonlikheid Johan Derksen is weer terug op die kassie; die hoofaanbieder van Podium Witteman tree uit; kenners meen die Covid-pandemie is nog lank nie verby nie; maskers is nie meer nodig aan boord van Nederlandse vlugte nie; die droogte het die owerhede genoop om in te gryp; en koningin Máxima verjaar."
Sterftes en bevryding gedenk, immigrante en selfone
2022-05-11"Twee mense is dood en nog twee ernstig gewond ná ’n skietery in Nederland; ’n somber Dodeherdenking in Nederland en Bevrydingsdag tot in Duitsland herdenk; Vlaminge voel migrante moet assimileer; jou selfoon kos jou straks jou rybewys."
Storms op TV en energiekwessies
2022-05-04"Ook Nederland sukkel met kragvoorsiening maar ’n nuwe hittebattery bied moontlik ’n skoon oplossing; nóg ’n storm oor onaanvaarbare gedrag op TV; ’n Russiese olietenkskip die hawe geweier; chaos op Schiphol; geen maskers meer in Belgiese vliegtuie nie; en geen einde aan voëlgriep-epidemie nie."
Tronkstraf weens ontgroening geëis, gasprobleme, partytjies en hekse
2022-04-27"Vyf jaar tronkstraf vir die hoofverdagtes in ’n ontgroeningsaak geëis; sewe mense deur twee gasontploffings beseer; Nederland wil voor die einde van die jaar alle aankope van gas en olie uit Rusland staak; €919 miljoen (sowat R15 miljard) om onderwysers meer te betaal; Koningsnag en -dag kan weer soos voor die pandemie gevier word; en ’n veroordeelde heks se naam gaan nie in ere herstel word nie."
Buskaartjies, kettingbotsings en ruspes
2022-04-20"’n Paar kaartjiekontroleurs behandel ’n buspassasier hardhandig; busse loop weer na Oekraïne; Nederland se ambassade open weer in Oekraïne; voertuie van die Nederlandse weermag is in ’n kettingbotsing betrokke in Tsjeggië; groot skadevergoeding betaal ná ’n bevalling; en ruspes word met parasiete bestry."
’n Busongeluk, probleemsjokolade, kopseer dagga en beter verpakking
2022-04-14"Twee mense in ’n busongeluk dood en 10 beseer; ’n bejaarde man word dood in water aangetref; sjokoladeprodukte word onttrek; toeriste mag dalk nie meer dagga koop nie; Albert Heijn wil minder verpakking gebruik; en prinses Ariane word 15."
Zelenski se diplomasie; probleme met treine en die posdiens; en ’n skietery
2022-04-06"Wolodimir Zelenski spreek die parlemente van beide Nederland en België toe; Mark Rutte reageer met skok op die afgryslike beeldmateriaal wat Sondag opgeduik het ná die Russe se onttrekking uit die voorstad Boetja; twee broers verlede Woensdag tydens ’n skietery by ’n McDonald’s-restaurant dood; die Belgiese polisie voer ’n klopjag op PostNL-depots uit; en ’n tegniese probleem het Sondag veroorsaak dat die hele Nederlandse treinnetwerk buite werking was."