"Die opnames onthul na bewering dat diensverskaffers aan wie tenders van multimiljoene rand toegeken is om direkte betalings aan studente te administreer, na bewering terugbetalings aan Khosa, Nzimande, en die Suid-Afrikaanse Kommunistiese Party gemaak het."

"Die DKD het gesê die bekendmaking van Pistorius se vervoerbesonderhede en die tyd van vrylating sou ’n sekuriteitsbedreiging vir ander gevangenes en betrokkenes inhou."

"Die Internasionale Geregshof het ingestem om volgende week ’n verhoor te hou om Suid-Afrika se versoek om ’n dringende uitspraak oor volksmoordaanklagte teen Israel vir sy militêre offensief op Gaza te bespreek."

"Deur te vertaal, hou jy jou vingers (en brein) fiks, tas jy rond in die vesels van groot tekste en wys jy aan studente hoe vermeende 'dooie' tekste verlewendig kan word."

"Miljoene oorsese besoekers het volgens die jongste syfers wat Statistiek SA in November oor toerisme en immigrasie vrygestel het, na Suid-Afrika gestroom. Toeristebestemmings in veral die kusgebiede berei hulle voor vir ’n rekordsomerseisoen namate binnelanders ook vir hulle Desembervakansie na die kus stroom."

"Noah se album getitel I wish you would is vir die beste komedie-album vir volgende jaar se Grammy-toekennings benoem. Hy sal ook die aanbieder wees van die 2024 Grammy-toekennings."

"Kganyago sê die konstruksiemafia bestaan uit groepe afpersers wat probeer om deur geweld beskermingsgelde van plaaslike konstruksiemaatskappye en kontrakteurs te ontvang of ’n gedeelte van die koste van ’n infrastruktuurprojek af te pers."

"Dit alles in ag genome kan die vrystelling van die slawe nie gevier word nie. Dit was nie ’n oorwinning van hulle kant nie, maar ’n edik wat deur die Britse regering uitgevaardig is waarin hulle vrystelling gewaarborg is ... ’n Herdenking van die vrystelling van die slawe sal meer gepas wees."

"Suid-Afrikaners wat die rieme dun moet sny om hulle vakansiebegroting te laat klop as gevolg van die hoë brandstofpryse, kan in Januarie waarskynlik met ’n groter glimlag huis toe ry."

"Altesaam tien politieke partye het hulle nou reeds tot die Veelpartyhandves verbind."

"Die keuse van Gazprombank en die goedkeuring van ’n buitelandse regering in die kernsektor laat vrae ontstaan."

"Met die beperking op verblyftoelaes kan ontwikkelaars egter nie bekostig om hul verblyf aan NSFAS-studente te verhuur nie, aangesien die R45 000 per jaar nie hul koste dek nie."

"Die ANC is volgens hom nie meer die beweging waarby hy, sy ouers en grootouers tydens die apartheidsera aangesluit het nie. Hy sê hy herken nie meer die ANC nie."

"Miljarde liters swakbehandelde of onbehandelde riool, industriële en farmaseutiese afvalwater word boonop in riviere en oseane gestort. Altesaam 56% van die land se behandelingsaanlegte is in ’n swak of kritieke toestand."

"Die Joburg Crisis Alliance (JCA) is woedend oor die raad se geheimsinnige heraanstelling van Floyd Brink as die stadsbestuurder van die Stad Johannesburg."

Tijdens de vijfde editie van het Festival voor het Afrikaans praat Ingrid Glorie met Babs Gons, Ronelda Kamfer, Lynthia Julius en Veronique Jephtas.

"Onafhanklike kandidate het ’n gedeeltelike oorwinning behaal met die hof se uitspraak, want dit gaan nou makliker vir hulle wees om aan die verkiesing deel te neem, omdat hulle nou slegs 1 000 handtekeninge benodig om te kan deelneem."

"Volgens Action Society sal daar gedurende vanjaar se veldtog 48 kinders en 160 vroue vermoor word."

"Ook belangrijk is dat de boodschap die we wilden overbrengen – dat het Afrikaans helemaal geen ‘witte’ taal is, en dat de variëteiten van het Afrikaans, zoals het Kaapse Afrikaans en het Griekwa-Afrikaans, zorgen voor groei en creativiteit."

"Hy sê dit voel amper verkeerd of disrespekvol teenoor diegene wat gevlug het om weg te kom van die gruwels van apartheid om die woord 'ballingskap' te gebruik wanneer daar verwys word na die meer onlangse verskynsel van Suid-Afrikaners wat uit hul geboorteland vlug weens verskeie faktore wat hulle lewens direk of indirek bedreig."